आज मिति २०७८/०३/०९ गतेका दिन फलेवास नगरपालिकाको आठौँ र नवौँ नगरसभा नगर प्रमुख पदमपाणी शर्माको अध्यक्षतामा सुसम्पन्न भएको छ ।

आठौँ नगर सभावाट फलेवास नगरपालिकाको आ.व. ०७७/७८ को संशोधित वजेट विधेयक, वातावरण तथा प्राकृतिक श्रोत संरक्षण विधेयक २०७८ , स्थानीय वन विधेयक २०७८, नगरपालिकाको कर विधेयक २०७८, नगरपालिकाद्वारा निर्मित गुरुयोजना स्वीकृत सम्वन्धि प्रस्ताव सर्वसम्मतिले पारित भएका छन |

नवौँ नगरसभावाट फलेवास नगरपालिकाको आ.व. ०७८/७९ को नीति तथा कार्यक्रम, प्रस्तावित वजेट तथा कार्यक्रम, आर्थिक विधेयक २०७८ र विनियोजन विधेयक २०७८  सर्वसम्मतिले पारित भएका छन |

१११ औं अन्तरराष्ट्रिय महिला दिवसको अवसरमा फलेवास नगरपालिकाले महिलाको सुरक्षा, सम्मान र रोजगार, समृद्ध नेपालको आधार शिर्षकमा आयोजना गरेको नगरस्तरिय वक्तृत्वकला प्रतियोगिताका केही झलकहरु। उक्त प्रतियोगितामा इन्दिरा तिवारी प्रथम, रिता चपाइ दोस्रो, शान्ति शर्मा तृतीय, बिनु कुवर तथा लक्ष्मी तिवारीले सान्तवना स्थान प्राप्त गर्नुभएको थियो । प्रथम लाई नगद रु ५०००, दोस्रोलाइ रु ३०००, तेस्रोलाई २००० तथा सान्तवनालाइ रु १५०० नगद पुरस्कार तथा प्रमाणपत्र प्रदान गरिएको थियो ।

३० औँ अन्तर्राष्ट्रिय ज्येष्ठ नागरिक दिवसका अवसरमा फलेवास नगर कार्यपालिकाको कार्यालयले वार्षिक रुपमा संचालन गर्दै आएको ज्येष्ठ नागरिक सम्मान कार्यक्रम अन्तर्गत नगरका ज्येष्ठ नागरिक गङ्गादेवी पङ्गाली र जयलाल जैसी लाई शंकरपोखरी स्थित उहाँकै निवासमा पुगी सम्मान पत्र , नगद र फलफुल प्रदान गर्नुहुदै जनप्रतिनिधि तथा नगरपालिकाका कर्मचारीहरु |

फलेवास नगरपालिकाको सातौँ नगरसभाबाट आर्थिक बर्ष २०७७।०७८ को निति तथा कार्यक्रम सार्वजनिक गरिएको छ ।  नगरसभाबाट नगरप्रमुख पदमपाणी शर्माले नगरको विकास र समृद्धिमा जोड दिनेगरी  नीति तथा कार्यक्रम सार्वजनिक गर्नुभएको छ । नगर उपप्रमुख मन्जु अधिकारीले ८३ करोड २२ लाख ८१ हजार ९ सय ५० रुपैयाँ बराबरको बजेट प्रस्तुत गर्नुभएको छ ।बजेटमा शिक्षा, स्वास्थ्य, कृषि र रोजगारलाई मुख्य प्राथमिकतामा राखिएको छ ।