फलेवास नगरपालिका वडा नं. ५ खानीगाउँ स्थित भौतिक पुर्वाधारको अभावमा मोती पुस्तकालयको भवनवाट संचालन भएको फलेवास नगरकार्यृपालिकाको कार्यालय यही मिति २०७५ माघ ४ गतेवाट खानीगाउँ स्थित प्रयोगविहीन र जिर्ण अवस्थामा रहेको सार्वजनिक (सिंचाई कार्यालयको) भवनलाई मर्मत सम्भार गरेर कार्यालयको सम्पूर्ण कामकाज एकै ठाउँवाट संचालन हुनेगरी सारीएको व्यहोरा सवै नगरवासीहरुमा जानकारी गराउन चाहन्छौँ । साथसाथै नगर कार्यपालिकाको कार्यालयवाट गरिने सेवा प्रवाह पहिलेभन्दा सहज र व्यवस्थित रहनेछ ।

फलेवास नगरकार्यपालिकाको कार्यालयमा आज मिति २०७५ मंशिर १४ मा नगरप्रमुख श्री पदमपाणी शर्माको अध्यक्षतामा कालिगण्डकी बहुउद्देशीय परियोजनाको पूर्व सम्भाव्यता अध्ययन टोलि र फलेवास नगरकार्यपालिका विचको अन्तरक्रिया सम्पन्न भएको छ ।

फलेवास नगरपालिकाको आयोजनामा श्री भवानी विद्यापिठ विद्यालयमा ३९औं राष्ट्रिय शिक्षा दिवस तथा अन्तर्राष्ट्रिय साक्षरता दिवसको अवसरमा नगरपालिका स्तरीय खुला तीज गीत प्रतियोगिता, अन्तर मावि तीज गीत प्रतियोगिता, निबन्ध लेखन प्रतियोगिता कार्यक्रम भव्यताका साथ सु सम्पन्न गरिएको छ ।

साथै उत्कृस्ट वि.व्य.स. का अध्यक्ष, प्रधानाध्यापक, शिक्षकहरु, शिक्षासेवी, एस.इ.इ. परिक्षामा नगरपालिकाका सर्वोत्क्रिस्ट प्राप्ताङक ल्याउने विद्यार्थीहरु लगायतलाइ सम्मान तथा पुरस्कार वितरण गरियो ।